日本人真係咁諗嘢架？要令愛嘅人幸福先算完成自己嘅使命？
最新日劇《一定要幸福》，男主角香取慎吾喺婚姻介紹所為撮合痴男怨女而努力。 劇情令我諗起之前《新聞透視》「偷聽男人心」特輯入面有個自稱副總經理的男子抱怨婚姻介紹所介紹嘅女子一見就問佢收入身家職業……拜託，你去婚姻介紹所呀﹗嚟見得你嘅都係打算搵人結婚啦﹗調返轉吖，你都可能想知個女子係咪負資產、對生仔嘅睇法、家族有冇遺傳病之類架？而家係咪同你討論中東局勢你先開心吖？
不過戲入面有一句非常好：「相睇唔係面試，係邂逅。」值得所有去婚姻介紹所嘅男女參考。即係呢，叫你做戲做全套，唔好懶醒skip晒啲step直接去傾結婚細節，初相識嘅含蓄矜持大龍鳳最好都係做足啲~~~
0 comments:
Post a Comment